*&.:.:/هل أنت مـــع أو ضـــدّ ؟؟؟/.:.:&*

من طرف **ღنـاروღ** الخميس مارس 18, 2010 4:17 pm

مرحــــبـــــــــــــــا *&.:.:/هل أنت مـــع أو ضـــدّ ؟؟؟/.:.:&* Smile

موضوع حلووووووووووو شفته في منتدى وحبيت أطرحه

*&.:.:/هل أنت مـــع أو ضـــدّ ؟؟؟/.:.:&* 129346

هل أنت...........(مع).... أو (ضد)؟؟؟!!!

*&.:.:/هل أنت مـــع أو ضـــدّ ؟؟؟/.:.:&* 129290

فيه موضوع نقاش (وفكـرته كـالآتي ,,
يفيد) الجميع وحبيت تشاركوني فيهـ ,,
كل عضو(ة) يطرح سؤال بحيث تكون الصيغه ... هل أنت (مع) أو (ضد) (أي شي معين)؟

*&.:.:/هل أنت مـــع أو ضـــدّ ؟؟؟/.:.:&* 129241

مع السبب ! ! لمـاذا؟!

واللي بعده يجاوب ,, ويكتب سؤال ؟!

أتمنى أنو الفكرة وااضحه وبدي منكم تفاعل ,,

وأنا ببدأ هل أنت (مع) أو (ضد) عمل المرأه بعد الزوااااج
او مع جلوسها فالبيت؟؟

*&.:.:/هل أنت مـــع أو ضـــدّ ؟؟؟/.:.:&* 129414

من طرف **nousha** السبت مارس 20, 2010 1:08 pm

انا مع عمل المرأة بعد الزواج بس بدون ما يكون هالشي اله تأثير على بيتها
لان المرأة مادرست لتقعد بالبيت لازم تمارس عملها
ومابظن في مشكلة اذا عانت الزوج في حال كان الوضع ما بيسمح
***

هل انت مع او ضد انه الأطفال تحت 18 يحملوا موبايلات؟

من طرف **أبو كريـــم** السبت مارس 20, 2010 8:57 pm

انا برأيي على حسب الطفل
يعني اول الشي كنت رح جاوب انو ضد انو الطفل يحمل موبايل
بس لما بشوف اخي اللي عمرو 14 سنة وصرلو سنتين حاملو يعني من لما كان عمرو 12 سنة وما شاء الله عليه عم يستعملو بوعي وللضرورة
يعني انا مع وضد
*************
هل انت مع او ضد تشرين ؟؟؟
خخخخخخخخخخ
يلا بدي جواب

من طرف **na3omi** الأحد مارس 21, 2010 3:31 pm

مع تشرييييييييين اكيييييد

*&.:.:/هل أنت مـــع أو ضـــدّ ؟؟؟/.:.:&* Icon_biggrin

هل انت مع أو ضد

الزواج المبكر

من طرف **أبو كريـــم** الإثنين مارس 22, 2010 2:25 pm

الزواج المبكر يعني اي ساعة ؟؟؟؟؟
خخخخخخخخخخخخخخخخ
يا ستي انا مع الزواج المبكر
بس غير ممكن بمجتمعاتنا لأنو متطلبات الزواج كتيرة
والشب اذا ما كان خلقان وبتمو ملعقة دهب ما بيتزوج بكير
::::::::::::::::::::::
هل انت مع او ضد مساواة المرأة بالرجل ؟؟

من طرف **لولية** الأربعاء مارس 24, 2010 9:33 am

ياجماعة الخير طولوا بالكن... خلونا نطرح موضوع معين والكل يناقش عليه ونسمع آراء الكل لأنه في ناس أكيد حابة تعطي وجهة نظرها
هلأ أنا عني بدي قول رأيي بكل شغلة انعرضت...
برافو نارو موضوع مهم وملفت للنظر
وصاير الشغل الشاغل للناس وسيرتن

بالنسبة لعمل المرأة أنا عن نفسي ضد إني اشتغل بحياة زوجي ووجوده يئبرني وحتى لباقي النساء إذا مافي ضرورة قـــصـــوى...
إذا كانت الإمكانيات المادية قليلة من طرف الرجل أو رب العيلة الكبير (متل العم والد الزوج في حالة السكن ببيت الإحما)أو في ولاد كتار
ممكن المرأة تشتغل بس بدون ما يأثر على علاقتها بزوجها
من ناحية الجسدية والنفسية والفكرية
يعني تجهد حالها وتتعب ويضل تفكيرها بالشغل وبالمصاري والراتب وداااائما تعبانة ومجهودة ومشاكلها يللي بالشغل بتفوت عالبيت
وفي حال قدوم الأطفال فالأفضل اضل الست بالبيت بدون شغل هيك ليكبر الولد ويروح عالمدرسة عالقليل... المهم أقل شي 3 سنوات يللي هنّ تنشئة الطفل والسن يللي بحاجة وجود أمه من ناحية الرعاية والتنظيف والحنان
أمّا إذا كانت السكنة ببيت الإحما فممكن ينتركوا الأطفال عند الحماية (التيتة) إذا ماكانت حاجزة أو كبيرة السن
وطبعا مايكون فيه الشغل اختلاط أو شبهات وأهم شي الاختلاط وإلا السترة بالبيت افضل!!
بعرف طولت برأيي بس هالموضوع بيلفت نظري وبيهمني كتير..

وأنا عن نفسي مابفضل إني اشتغل بوجود زوجي طالما مأمنلي لقمة عيشي اليومية وملبيلي كل حاجياتي أنا وبنتي ومسكني ببيت لحالي..
وحق المرأة على الرجل يأمنلها سكنها ولقمتها ملبسها والسكن إن شاء الله غرفة والأكل لقمة تعيشها ومو ضروري تفزرها واللبس كل سنة بيلعلها توبين وهاد على حسب الشرع
وحتى لو في ظروف مابشتغل بوقتها كمان، لأنه لحاله جلوس المرأة ببيتها وتفرغها لزوجها وأبنائها وبيتها وأخرجت وأنشئت جيل جيد وملتزم وناجح قامت بتأدية واجبها والقيام برسالتها على اكمل وجه

وأكيد لازم الواحد ماينسى إنه الرجل غير دائم والدوام لله
يعني لازم المرأة تكون مهيئة للعمل خارج المنزل ((~بشهادتها وتكميل تعليمها أو بتجريب العمل قبل الزواج~))
في حال لاسمح الله الطلاق أو الوفاة أو حتى العجز..
بس الواحد يفكر بعقلانية بيلائي الصح صح
أنا مامعي غير شهادة بكالوريا للأسف
بس متقنة للكمبيوتر والانكليزي يعني ممكن لائي بعدين وقت الضرورةشغل سكرتيرة مكتب أو عيادة وطبعا (((نسااااائي فقط))) أو بروضة أطفال..
وربي يسّر ولاتعسّر وخليلنا زواجنا فوق روسنا منفقين مدبرين قوامين علينا ولاتجعل أجلنا بعيد عن أجلن حتى مانتبهدل بعدن
ههههههههههههههههههههههه
وطبعا لاتجعل أجلن بعيييييد عن أجلنا حتى ما يفلتوا بعدنا ويدوروا على حل شعرن
ههههههههههههههههههههههههههههههههههههههههه

المهم بالمختصر أنا ضد عمل المرأة أثناء الزواج إلاّ للضرورة الضرورة القصــــوى يعني الرجل عاجز وبس
ومايكون بيأثر على الزوج والأطفال من الناحية الجسدية والنفسية ويكون ضمن نطاق نسائي ومع النساء وتحاشي الاختلاط قدر الإمكان

من طرف **لولية** الأربعاء مارس 24, 2010 9:45 am

نرجع لكلام نوشة حمل الأطفال تحت الـ18 الموبايل
هلأ برأي الشخصي إنه لو مافي ضرورة (لأنه من المدرسة للبيت والعكس) فمافي داعي
وممكن بيوم الإجازة وقت خروج الطفل نعطيه موبايل أحد اللإراد للاطمئنان أو للحوادث
بس إنه يكون دائما معه لاء مافي داعي
حتى لو كان آدمي وعاقل ومحترم وحتى ديّن
لأنه لازم نأمّن ونخاف من اللي حواليه من أصدقاء وتلفزيون ودعايات و.....الخ
وكمان كل ماحاولنا نقلل من سنين استخدام الموبايل بيكون أفضل للصحة والخلايا بالجسم
لأنه كتيييير منسمع عن مساوئ الموبايل وأشعته وطول وكتر استخدامه
بس ممكن يكون في موبايل للطفل وخاص فيه..
بس خلال العطلة الأسبوعية..
وطول أيام الدراسة مغلق
أولا هو مصروف زيادة عالاهل
تانيا بيلهي الأطفال عن دراستك وبيصير شغلن الشاغل...
من باب الرصيد والرسائل والبلوتوث والنغمات والصور والالعاب
وبدي أحدث وبدي بكاميرا وبدي بميوزيك اكسبرس وكل يوم نق بميزة جيددة
وهاد بسبب تنافس الأطفال بين بعضن
المهم بالمختصر ...
أنا ضد هالشي إلاّ إذا كان خلال عطلة الاسبوع فقط ووقت الخروج من المنزل بس..

من طرف **لولية** الأربعاء مارس 24, 2010 9:58 am

يا الله يا أبو الكرم
هلأ وقت الرياضة
خخخخخخخخخ
للأسف انا لا ضد ولا مع هالمرة لأني لا أفقه شيئا في الرياضة بالأحرى كرة القدم العربية!!!
وخاصة السورية!؟!؟!
ههههههههههههه
اسألني عن برشلونة عن ايسي ميلان عن مانشستر يونايتد عن كلللل شي أجنبي ممكن
بس ولا يهمك...

أ
نـ
ـا

لا

مـ
ـع

ولا

ضـ
ـــد

تـشـريــن

بس صعي بهالمناسبة...
دخلك هلأ تشرين فريق دمشق ولا شو؟؟!!
محسوبتك غشيمة عالآخير بهالشغلات
إذا دمشقي فأنا معه كهكهكهكهكهكهكه شنو منودّي على بعض

من طرف **لولية** الأربعاء مارس 24, 2010 10:10 am

آآآآآآآآآآخ من قصة الزواج المبكر يانعومة..
يعني والله العظيم حرااااام وظلم الشب والصبية ال2 يتزوجوا بكير...
يعني عشو مستعجلين؟؟؟ عالمسؤولية الكبيرة والحمل الأكبر والتقيل وعالمشاكل بالسنين الأولى!!! الزواج غير إنه راحة نفسية وجسدية واستقرار بس إله نواحي تانية للأسف مامنفكر فيها
وأكيد السبب لزواج البنت خاصة قبل الشب بكير هوالأهل وحتى لو كان في مصاري مليااااانة مع الشب وعمره 22 أو البنت طالعة من المدرسة
حرااااااااااااااااااااااااااااااااام وظلم ظلم ظلم
وزمن أول تحوّل
برأيي السن المناسب للبنت كحد أدنى بالعمر هو 18 وحتى ياليت 20
عالقليل تكمل دراستها وتاخد البكالوريا لأنه ماحدا دايم للمرأة لا زوجها ولا أبوها
وعالقليل كمان تكتسب خبرة من الحياة من ناحية العلم والمعرفة والطبخ والأمور العائلية والاجتماعية والاهتمام بالأاطفال وتتنور من أمها أمور الزواج ومن أبوها كمان ومن كل اللي أكبر منها
ولل20 أفضل لأنه طول هال17 سنة أو 18 لح تكون مشغولة بالعلم والدراسة ومو فاضية لشي تانية وبهالسنتين أو 3 ممكن تكتسب خبرة وأهم شي الطبخ والتربية وفنون التعامل مع الزوج وبيت الإحما والزواج ككله
وبنفس الوقت سن مناسب ليكون فارق العمر بين أول طفل وجسدها قادر على تحمل الحمل والولادة وأعباء المنزل وأهم شي تستوعب الرجال ومشاكله وهمومه وتتحمل مسؤولية كبيرة
يعني مو طفلة زغيرة مولدنة مطقطقة بيجي الرجال بس ليلاقي أكل ولبس ومكياج وبيت مرتب
لابيشاركها مشاكله ولا شغله ولا مسؤولياته خارج البيت ويلجألها وقت المصاعب
لأنه على مرور السنين لتكبر هالزغيرة بيكونوا مشي حالن كبرة الفجوة بيناتن ومافيهن يتأقلموا على الكبر وينسجموا إلا بحالات نادرة جدا
وللشب حرام قبل ال28 أو خلينا نقول ال26
لأنه لساته بصراحة بيكون ولد وعقله طايش ومولدن قد ماكان عااااقل وكبيييير عأساس وبيفهم ومتكلم ومثقف
لأنه مادخل الحياة العلمية بالعملية ابدا أبدا
وهو التاني بيكون عاشر منيح الناس واختلط وجرب الحياة
وهيك مالح يظلم مرته بالنقار والنقير والولدنة لأنه في شباب مابتخلص مراهقتن إلاّ لل25
المهم أنا ضد الزواج المبكر للشب والصبية.. وشكرا لتحملكن طوووول كلامي بس أنا غنسانة أحب أن أثبت تواجدي عبر جريدة مفصلة ههههههههههههه
راجعتلكن خخخخ

من طرف **لولية** الأربعاء مارس 24, 2010 11:42 am

مراحب شباب وصبايا
كيفك أبو كريم..
عجبني طرحك المساواة بين الرجل والمرأة
أو بالأحرى كلامك أجمل (مساواة المرأة بالرجل)
أدق وأكتر تفصيلاً
أنا بصراحة مع وضد
لقلك بشو مع وبشو ضد:
الحقيقة إنه الله سبحانه وتعالى بيّن وأكّد بآيات قرآنية كتير إنه المرأة مساوية للرجل تماما بالتكليف والتشريف وبالمسؤولية.. بالتكليف مكلفة بأركان الإيمان وأركان الإسلام، ومسؤولة عن مين استرعاها رب العالمين زوجها وأولادها.. وبالآخرة لح تدخل الجنة متل الرجل..
وللتأكيد: "إن المسلمين والمسلمات والمؤمنين والمؤمنات والقانتين والقانتات والصادقين والصادقات والصابرين والصابرات والخاشعين والخاشعات والمتصدقين والمتصدقات والصائمين والصائمات والحافظين فروجهم والحافظات والذاكرين الله كثيرا والذاكرات أعد الله لهم مغفرة وأجرا عظيما" + "من عمل صالحاً من ذكرٍ أو أنثى وهو مؤمن فلنحيينه حياة طيبة"
وبهالآيتين قرن المرأة مع الرجل بكل صفة وإلهم نفس الجزاء بالخير والشر وهاد تشريف إلها
وعلينا ماننسى إنه الله سبحانه وتعالى خلق الرجل ببنية جسمية وبنية نفسية وبنية عقلية بتختلف عما خلق المرأة عليه وتكون ملبية لزوجها، وهالشي بيأكده: "وليس الذكر كالأنثى"
والمرأة لما بتنافس الرجل بحقوق المساواة بغير هدول بتكون بالنهاية أكيدعمتخسر المنافسة وعمتخسر أنوثتها يللي بتميزها عن الرجل

فإذا لازم كلنا نكون مع المساواة له بالتكليف والتشريف والمسؤولية..
ونكون ضد أي شي تاني وخاصة القوامة الدارجة هالأايام للمرأة وللأسف في دولنا العربية ومنها مصر .. المرأة لها الحق بإنهاء الزواج ومسك العصمة والطلاق !!! لها الحق بالرآسة والنفقة الملزمة مع انها مالها شي من هدول..

بيهمني أعرف رأي الباقي بهالشي لحتى نتنور أكتر ونتثقف ونفهم...

وياليت ما نطرح هل أن مع أو ضد شي تاني.. لحتى ننتهي من آراء البعض عالأقل مو شرط الكل..
وبعدها منطرح شي جديد..

من طرف **ღنـاروღ** الأربعاء مارس 24, 2010 4:27 pm

*&.:.:/هل أنت مـــع أو ضـــدّ ؟؟؟/.:.:&* Thanks-For-Add-Angel

[size=12]السلام عليكم ورحمة الله وبركاته

عنجد يا اصحاب انتو كفيتو ووفيتو

لولية بتشكركـ على كلامك المنطقي يلي بالفعل كافي ووافي وبصراحة ماتركتي لحدا شي يعلق ماشاءالله كل شي بينقال قلتيه

اول شي انا ماعطيت رأيي بأي فكرة انطرحت لاني كنت متغيبة عن المنتدى لظروف صحية

المهم

انا موكتير بشجع فكرة العمل للمرأة بعد الزواج الا متلما قلتو اذا كان الوارد لايكفي ((وبصراحة))بهالايام كلمة لايكفي بتعني انها مابتكفي الرفاهية وليست لاتكفي قوت اليوم

يعني صار عمل المراة لحتى ترفه حالها وولادها

هيك صاير مجتمعنا

انا بالنسبة الي عايشة بالخليج مع100%المرأة تعمل بس بشرط العمل في حدود الشريعة الاسلامية يعني عمل مايأثر على اخلاقها وتربيتها ويتماشى مع ظروفها وانا برايي ((وطبعا انا رح يجي يوم واتوظف فيه))انه احلى واشرف مهنة للمرأة هيي المدرّسة

يعني شغلها كله مع الاطفال والمدرّسات لانو متلما بتعرفوا انه لما يصير الولد بصف السادس بينفصل الصبيان عن البنات في المدارس العربية((يعني يلي كتير متعصب لهيك مسائل))

يعني شغل المعلمة كله بين البنات والمعلمات

وانا من ناحيتي غير مسموح الي انه اشتغل بغير هالشغلة ياهيك يابلا

لانه بصراحة يلي بتكون مغطاية من فوق لتحت وعندها مية بودي غارد وساكنة لوحدها بالعمارة وماحدا بيشوفها غير زوجها لما بتكون ناوية على نية الشر بتعمله

ويلي بتكون اسباب الرفاهية والطلعة والفوتة والحرية الزائدة مملوكين بايديها وماحدا شايفها وزوجها غايب عنها ليل نهار وحاطة الشرف بين عيونها رح تبقى طاهرة وعفيفة

لهاد السبب في تخوف شوي من نوعية العمل لدى بعض الرجال.......[/size][/size]

من طرف **ღنـاروღ** الأربعاء مارس 24, 2010 4:41 pm

**
بالنسبة للفكرة التانية انا ضد انه الاطفال يحملوا موبايلات بهالسن ان كان بيعرفوا يشتغلو عليه او لاء
لانه بصراحة صار الموبايل للفشخرة اكتر من الضرورة
طيب أي ولد بهالسن رح يروح مشاوير طويلة وكتير بحاجة لموبايل؟ ان كان ولا بد ممكن ياخد جوال امه او ابوه او حتى اخوه الكبير... مابعرف انا هاد رأيي
**
الزواج المبكر...
طبعا انا ضده
مفهوم الزواج المبكر بايامنا يعني الفتاة تكون بسن12 _15
والشب يكون بسن20_25
يمكن هيك بظن هاد هو السن المبكر
هلأ هو لاللسب ولا للبنت منيح
لانو كل واحد منهن رح ينحرم اهم واصعب فترة بحياته وهيي سن المراهقة ولمعلومكن ومتلما بتعرفوا انو الشب بيضل مراهق لسن30
اما الفتاة ف نوعا ما بتنتهي هالفترة بسن 24 اوحتى 26لانو بعرف بنات لسا بعدهن بالمراهقة وهنن26
المهم الزواج المبكر متلما قلت بدل مايكون نعمة انه الزوجين انستروا ببيتهن ممكن يكون نقمة عليهن
لانهن اذا كانو واعيين بس لسا موناضجين لحتى يحملوا هيك مسؤولية وهي مسؤولية عمر ما شهر وشهرين وسنة ..
...يتبـــبع

من طرف **ღنـاروღ** الأربعاء مارس 24, 2010 4:54 pm

والاصعب من هيك <<<<<<<<<<<واعذروني على كلامي بس هاد الواقع

بعتقد البنت اكتر من الشب اذا كان الشب واعي

بيتخيلوا يلي بهالعمر انه الزواج عبارة بس عن مشاعر واحاسيس ورومنسية وفترة متلها متل فترة الخطبة............. و و و الخ

ونسيوا انهن رح يأسسوا بيت وينجبوا اولاد هنن محاسبين قدام رب العالمين عن تربيتهن

طيب اذا هنن لسا بدهن وعي بهالمرحلة كيف رح يقدروا يربوا اجيالهن القادمة.....

شكرا لانصاتكن

&.:.:/هل أنت مـــع أو ضـــدّ ؟؟؟/.:.:&

&.:.:/هل أنت مـــع أو ضـــدّ ؟؟؟/.:.:&

رد: &.:.:/هل أنت مـــع أو ضـــدّ ؟؟؟/.:.:&

رد: &.:.:/هل أنت مـــع أو ضـــدّ ؟؟؟/.:.:&

رد: &.:.:/هل أنت مـــع أو ضـــدّ ؟؟؟/.:.:&

رد: &.:.:/هل أنت مـــع أو ضـــدّ ؟؟؟/.:.:&

رد: &.:.:/هل أنت مـــع أو ضـــدّ ؟؟؟/.:.:&

رد: &.:.:/هل أنت مـــع أو ضـــدّ ؟؟؟/.:.:&

رد: &.:.:/هل أنت مـــع أو ضـــدّ ؟؟؟/.:.:&

رد: &.:.:/هل أنت مـــع أو ضـــدّ ؟؟؟/.:.:&

رد: &.:.:/هل أنت مـــع أو ضـــدّ ؟؟؟/.:.:&

رد: &.:.:/هل أنت مـــع أو ضـــدّ ؟؟؟/.:.:&

رد: &.:.:/هل أنت مـــع أو ضـــدّ ؟؟؟/.:.:&

رد: &.:.:/هل أنت مـــع أو ضـــدّ ؟؟؟/.:.:&